راحو رجال البالفزع شجعان احفاد طه المصطفى العدناني

#صفحة_دولة_الاشباح

لنشر القصائد والمدائح النبويه والحربيه

راحو رجال البالفزع شجعان
احفاد طه المصطفى العدناني
..
احفاد طه المصطفى المحمودي
يوم المكاون مالهم رادودي
اهل الدرك والجود واهل الزودي
واهل الشهامه بحومة الميداني
....
اهل الشهامه لو طلبت افزاعي
جنهم ليوث ويحضرون بساعي
مشيوح وابو عساف والرفاعي
والشيخ عبد القادر الكيلاني
....
الشيخ عبد القادر احضر النه
واتدارك الاسلام صار بمحنه
صارو طوايف طايحين بفتنه
عافو نبينا وهجرو القراني
...
عافو نبينا وهجرو الاياتي
وماضل رحم بالناس يا ساداتي
ترضاها يالناطور صرنا اشتاتي
من عكب ما جنه اهل واخواني
....
من عكب ما جان الفرح لافينه
صار الكفر ويهود يشمت بينه
هاها يشيخ زوين دحضر لينه
يازي احشم والفزع ما جاني
....
يازي احشم بيكم اهل العاده
ونار الحزن نص الكلب وكاده
ان جان ما بيكم فزع يا ساده
لارمي القلم ودفوفي والصيجاني
....
لارمي القلم جدي يبو علاميني
ماني ابنكم وشعجب جافيني
معلوم عنك ساعة التمحيني
كالبرق تحضر لو يصير محاني
....
كالبرق تحضر لو تصير طلابه
وين اخو ريه مشيل الحطابه
ما ضن تطول زعلتي يايابه
ضاكت علينه وكثرت الاحزاني
....
ضاكت علينه ومانفعنه اللومه
امة محمد عكبكم مضيومه
وين الرجال البلفزع معلومه
ديرو نظركم واكشفو البرهاني
....
ديرو نظركم واحظرو يجدادي
وردو الفرح لكلوب اهل بغدادي
الامة اتقسم والظلم ياسيادي
بالكدر خلاني وسعد عدواني
....
بالكدر خلاني جفاكم عنه
وبغداد تندب وينكم ياهلنه
ياحيف فتنه البين شيعه وسنه
ياحيف راوتنه الحزن الواني
....
ياحيف انادي وما تلبي ندايه
والعين رمدت من كثرت ابجايه
ماظن يبو عساف تجفي بهايه
مشهودة الك يا عالج النيراني
....
مشهوده الك ياجاتل الباشاتي
وشاعل سرايا اتراك بالشاراتي
اليوم يومك وادري فورا تاتي
افرح يابو اشهب جوك الشجعاني
....
افرح يابو اشهب جوك اخوة رية
شدو سرجها وصهلت الدليه
شبال الرفاعي اسرارهم كشفيه
جدهم محمد وامرهم رباني
....
جدهم محمد طه نور عيني
صلو عليه بكل وكت كل حيني
ياربي صلي عالنبي واهديني
زيارة نبينة وشوفة الاركاني
..
...اللهم آمين
...تأليف خادمكم ابو اشهب العيثاوي



*