دولة الاشباح
Admin
عدد المساهمات : 356
تاريخ التسجيل : 14/11/2016
الموقع : العراق
 |  موضوع: 1 الاصليه / توازينه وبنينه للفزع رايه وحرت بالناس محد يوصف ادوايه الثلاثاء نوفمبر 02, 2021 11:28 am | |
|
توازينه وبنينه للفزع رايه
وحرت بالناس محد يوصف ادوايه
افـزع وانـدب الـعـرجـان ماجــوني
يـعـيـن الطــــــلايـب لا تـعـــوفـوني
هـلـي يـهـل الـمــروه لا تـخـلـونـي
سـنـح اعلى الـوساده وخـايبه ارجايه
بلوني اهــل الحشيمه وبـيـدو حيلي
ولا كـالـــــوا ولــــدنه اه يـاويـلـي
ياوين اهـل الحميه ويـن اهـل جيلي
ويـن الـبـيـه غـيـره يـحـضـر بــهـايه
تـوازينه وروايه للـفــزع غـزيـت
مـن ضـيـم اللـفـانـي يـاهـلـي مـلـيـت
جم اصـــواب يهل الغـايـره داويت
اشــو جـرحـي وسع ماعــاد لو نهايه
ثـالـثـهـم نـدبـتـه ولافـــزعـهـم بـان
لاحـنـت الـــديـــره ولا كـلـبـهـم لان
أبـو جـبـار ويـنـك ضـنوة العرجان
احـــضــر يـاشـفـيه انــداسـه الـثـايـه
جفوا اهل الـكرامه وشارة الحضرة
تـنـحـو يـاهـبـيـل اديــارهـم غــبـره
دكـوم انـدب يحمزه غربي الشطره
وصيح احمد يارفاعي انمردن جلايه
حسن وحسين كلبي طايح بشده
ولد بنت النبوه الساكن بجده
تنخيت ونخوتي مالكت رده
عمت عين اليموت وماله بجايه
خلينه ان تواره ان كسرت الصيره
ومحسوبك يالعرج واكع بحيره
وحك الله لهيم واترك الديره
وبصخام الجدر لصخم الرايه
دحضر يا مكنه باز كيلاني
صوابي ياشفيه حيل وازاني
يبو صالح يجدي بسرك حماني
تعنيت الحضرتك رايد عنايه
ذكرولي الدسوق يحضر المالوم
عطاي المراد وفرحه المظيوم
وين اهل المروه الشايلين الزوم
طحنه واليطيح يريد تجايه
راجين النظر منكم تنظرونه
والكاصد يجيدي لا تهملونه
محسوب التوازه لا تعوفونه
ذليل وبالخلايج يصبح احجايه
زمان الشوم خلانه وجفه عنه
بديار الخليه ولا ولي النه
يحمزه عاد ايس واكطع الضنه
واكصد حيدر الكرار عنايه
سلم مابقه للواحد القهار
واصبر يارجب علي جرى وصار
اكصد في مديحك احمد المختار
واشكيله يجدي ابكل بلوايه
شاكر فظلكم ياربي يا معبود
ياهو ياعفوا يذا الكرم والجود
اختم مابقى بحق النبي محمود
ولحضرة جنابك هاي شكوايه
صابر والصبر مذكور بالقران
واليصبر الهي ايجابلو بحسان
ياحمدي دلوذ ابحضرة العدنان
واليقصد جنابه ايفوز بالغايه
تاليف حمدي الجبوري
| |
|
