بجت عيني وظل عقلي زوالي عليهم بالحزن طول اليالي

بجت عيني وظل عقلي زوالي
عليهم بالحزن طول اليالي
____________________
الف اني الوب اليل وانحب
على الشالو ولاضل عندي محب
هلي نيرانكم بلكالب تلهب
تولع ضامري وانشده بالي
______________________
ب باتت عيوني كالسحايب
وكلبي فركت الخلان ذايب
تنحو عني ويا مر المصايب
وتكدر خاطري ونشده بالي
______________________
ت تامت حاير ياكرامي
وزاد بفراك الوالد غرامي
هلي نيرانكم شلها ضرامي
وهمكم صار فوكي كالجبالي
___________________
ثي ثلثي العزم عكبك يا ياباا
ترى داوي ابنكم عمل صوابه
سليتوني ولا ضلي كرابه
وبارذل حال خلتني الليالي
______________________
جيم جروح دلالي سقيمه
ترادت مهجتي يلهل الحشيمه
يَيابه فركتك زحمه وهضيمه
على المثلي ربه بعز ودلالي
______________________
ح حالي بمذله وذبل عودي
ومن فركاك ماطعونه كبودي
هلي يمكن ظعنكم ما يعودي
وزحمه شوف رؤياكم كبالي
_______________________
الخ خليتني وزادت شجوني
وأهلي والابن عكبك نسوني
يايابه عكبكم عمين عيوني
فكدتك يوم ميلات اليالي
_______________________
الدال دموع عيني بكل مسيه
تشك انهار بارض الكويه
هلي من طول غيبتكم عليه
ضحت ومسيت من خلق الهوالي
_____________________
الذال ذال كلبي وتاه ظني
وعكب افراك ابويه غير عني
ليالي الشوم هانني وكوني
وجوي طول عمري ماصحالي
_______________________
الري روحي عكب شوفك حزينه
لأجلك مهجت كبودي طعينه
يحادي ان جيت لي نحو المدينه
لبو إبراهيم سولف ما جرالي
_______________________
الزي زم الجرح وامعن صوابي
وعفت النوم من شالو احبابي
الاهي بجاه هالاربع اقطابي
تخلد والدي بجنة النوالي
_______________________
السي سرع وامشي عاجل يحادي
واقره كتابنه بكل البلادي
لشيخ الأولياء قطب الاقطابي
سولف قصتي وكل ما جرالي

_______________________

الشين اشفج على الملتزم بيكم
يمن صغره يتيم اربات اديكم
هلي من طول غيبتكم شبيكم
ضعت ومسيت في ضيق الاهوالي
______________________
الصاد اصبر وناديهم دوامي
يالبسرهم يكسرون الجهامي
ادركو محسوبكم يهل العلامي
يباز الله يالي تهز الجبالي

***
تاليف حمدي الجبوري