عگب عينك يبو احمد لاردت حالي بگت نار الهظم تسعر بدلالي

عگب عينك يبو احمد لاردت حالي
بگت نار الهظم تسعر بدلالي

&&&

بگت نار الهظم تسعر وتاذيني
وفزع بالسيادة سكن حمريني
اخو گرمه عجيد الخيل يثويني
صويبك عالگبر شبة الضحى شالي

&&&

يبو نوفه المدد ياصالح نعيمي
تحيه لحضرتك واشجيلكم ضيمي
حسب ضني أبنكم ماني هتيمي
نخيتك بالشدايد وين علالي

&&&

تحيه لحضرتك للدور اوديها
دموع العين عالوجنه لدهديها
عجب هذي القضايه شوف ناسيها
يبو عبد اللطيف الساكن جبالي

&&&

يبو نوفه المدد ياصاحب الغيره
طبيب لكلِ من ينخاه بالديره
بحر طامي خطر تطمي سواويره
منوة الي نخاه يشوف الافعالي

&&&

منوتك لو نخيته بيوم المحاني
يحضر جدام عينك راعي الاحساني
هگوتي انك اسد ماضنتي هداني
قديم الك كرامه تشهد رجالي

&&&

قديم الكم كرامه تنطح الغاره
يدختور المشايخ صاحب الشاره
اريد الي اعتده مايسكن بداره
شبه بوم الخرايب ينغط بعالي

&&&

اريد الي اعتده دارو تضل سوده
بجاه المصطفى هالزاكيه جدوده
خزي عالي نخيته وينطي حدوده
عليكم عار كلكم جملة رجالي

&&&

عليكم عار يهل الحمه يجدودي
يبو كلاو الشيمچي وشيخ محمودي
انچان ابكم جسل تانكسر العودي
ولا نمدح علئ الصلاّح البطالي

&&&

ولا نمدح علئ السادات جمعيه
عبن كلهم جفوني حت اخو زهيه
اريد الي اعتده ينوحن غواليه
انچان ابكم شهامه وانتم رجالي

&&&

ينامس كوم طولك واسمع الحادي
نخاكم بالجبل بديار الكرادي
عجب تجفوني لمن صار العنادي
يذكرونك سطير وبيك الفعالي

&&&

اريد انخه الحمد كلهم وانديهم
واشوف فزاعهم واصبر لتاليهم
نمابانت اشاره يگول حاديهم
تافزع غيرهم من بيهم افعالي

&&&

اريد انخه العجايز البيهن الهمه
مثل حمره وسليمه وگرمه وشمه
ياحبوبه يابسنه عداي ملتمه
يذكرونچ يعرنه بيچ الافعالي

&&&

قصدت الباز بسمه رحت متعني
يدبرلي أمر لي كل حسب ضني
يباز الله بذراكم دايم اغني
وامدح بالمجالس وانتم ارجالي

&&&

نده #ياسين عالشيخ اليندبونو
تمنيته يحضر وتشوفني عيونو
گبل حادي المشايخ مايعوفونو
اشوف بهالوكت ماضلت افعالي
___________

#تأليف_ياسين_حسين_السبعاوي