ادك دفي بزعل من كثر بلواي يازيكم جفه يا قطب الولاية

ادك دفي بزعل من كثر بلواي
يازيكم جفه يا قطب الولاية

لدك دفي بزعل والعين هماله
دربت ألحجي للبيهم أفعاله
على خضير الجذيب الحجي وأقواله
نسل طه المشفع قطب الولاية

لدك دفي بزعل والراية منصوبة
على شيخ الجفه من مده محسوبة
دكوم افزع يبو كافي علي نوبة
تره عاري عليك اندكت الثايه

لدك دفي بزعل ودرب المكتوب
يا شيخه فهيمه كومي عالمصوب
غزلكم رواية من شمال الثوب
تره طال الجفه وهم كثرت أعدايه

لدك دفي بزعل وأنخاك أبو صفية
حاديكم توازه وصاح حربيه
إذا ماجه ولفانه خضير بذيه
تره عاري عليكم يهل الولاية

لدك دفي بزعل كوموا على الناده
يجاسم لا تخلونه عالوساده
تره هذا الجفا مو من طبع ساده
أيا نسل الهواشم دحضر ابهاية

لدك دفي بزعل وانخاج سيدية
دكومي عالندب بسنه يحربيه
تره عاري عليجه صارت أغبية
عجل تلفون بالفز عات عناية

لدك دفي بزعل واليجفي مو معذور
أريد إفزاع منكم يا سباع الدور
شو طول جفاكم صالح الدكتور
أيا نسل الهواشم بيكم حماية

لدك دفي بزعل وانخه بهل لاسون
مو عيب وخزي يا ساده ما تجفون
يبن عبد الجليل إن جان ما تلفون
لضل أبجي وبعد ما ننصب الراية :

هذه القصيدة من تاليف الحاد السيد وقاص المدلل الهاشمى الباسى