ندحم بوجه المنيه بزود اهلنه اهل الحميه بيد ابو العرجه القيادة والأوامرعسكرية

ندحم بوجه المنيه بزود اهلنه اهل الحميه
بيد ابو العرجه القيادة والأوامرعسكرية

وابتدي بسم الإله مالنا مولآ سواه
ربي يغفرلي بجاه المصطفى خير البرية

إنجان ماعندك امتاع لاتصيح ولاتواع
بس تكبل عالرفاعي فورآ تنحل القضية

ندحم بوجه الاصعاب بزود اهلنه مانهاب
بالطريقة أربع اقطابي اهل الاسرار الخفية

إنجان دلالك موجل دز مكاتيب الزعل
ﻵبو العلميني البطل صاحب الهمه العلية

ياما للشجعان ياما بانت إسرار وكرامة
إنعيم ياتاج الزعامة ولد فاطمة الزجية

كوم جثر بالعويل تاتجيك إسروب خيل
من طرف عبد الجليلي بانت الفزعه الرهية

ومن قديم إسباع اهلنه سور للصاح وتجنه
شايب البدور عندي وصالح النعيمي الشفية

نادي يالواجع بضيم جبش المهنا الإنعيم
مايهاب الملازيمي والنعم أخو إسنية

وحمزة صاحب صوت عالي نظرة يهل الله لحالي
يوم التصير الافعالي وذخر كلبي أبو إصفية

وشوشح إنطال الإفزاع وين سكان الاتلاع
ليث كاسر بالنزاعي المحدد أخو إعلية

والبوعجه إسباع كلهم من ابو العلمين سرهم ومايخيبون الندبهم أهل نخوة وغايرية

لوما لتشوف الجليسة خامله وماهي ونيسة
صيح بيت الشيخ عيسى نار تسعر خوت إزهية

بوجه المعادين عثرة دموع شياب البوخمرة
لانخاه الحسب سره شيخ صالح أبو هوية

ونشكر الباري ونحمد صرنه من امه محمد
يوم نار الهولي توقد ينادي ربي امتي برية