دولة الاشباح
Admin
عدد المساهمات : 356
تاريخ التسجيل : 14/11/2016
الموقع : العراق
 |  موضوع: لباز وين الباز وين اسنادي الحادي ترادى الليل كله ينادي الثلاثاء نوفمبر 16, 2021 1:24 pm | |
| لباز وين الباز وين اسنادي
الحادي ترادى الليل كله ينادي
الباز وين الباز وينك جدي
اعرفك شفية ودوم حاضر عندي
انخاك ابو صالح على المتعدي
تاخذلي حكي ياقطب بغدادي
تاخذلي حكي من الذي عاداني
وين اخو حفصة الأسمك السلطاني
اركب فزعكم عجب ماجاني
على هالغشيم الي غث الحادي
الباز وينك عل تعده وعالي
انته الشفيه الماتهاب نزالي
دحضر عليا يابعد عمي وخالي
واني بمدحكم يا شيخ صاير حادي
الحادي توازة وناصبلكم راية
للساكنين بغداد والزلاية
لو ثار طك الفشك جو عناية
سرعين بالشارت كل جدادي
احچي بمدحكم شيخ صارت سوله
على المضيوم تالي الليل ماتمروله
روحي بهواكم يا شيخ كالمشلوله
تتنه الفزع منك يليث العادي
الباز أبو صالح سور الصاحي
قطب بغداد يا منوة المداحي
علكت النار وصار ضرب سلاحي
انت سندنا يا قطب بغدادي
الباز عبدالقادر الكيلاني
دوم بالحرب هو يحماني
ليش عكب المودة تجفاني
وينك يابو صالح ياقطب بغدادي
وللشايب البالدور لشكي ضيمي
جدي شفية ومنوة المضيومي
اعرفك شجاع وبالطلب معلومي
كوم احضر المضيوم راد امدادي
ترانه ننخه وانادي
عليكم صحنه يجدادي
يا منوة الصاح والحادي
مدد منكم يا قطب بغدادي
حاضر الشيخ وسند لصاحه
ابو صالح ابد ماينسه مداحه
مجرب بالوزه والدرباشة اسلاحه
صيح ابو صالح ياملاذ الحادي
واختم اقوالي واصلي عالبشير
اكحل العينين ولوجه المنير
من لهب سجيل بيك نستجير
شافع للأسلام بيوم الميعادي | |
|
