صيح بالشجعان وادحم عل منايه الساكن ابغداد رعاط الحيايه

صيح بالشجعان وادحم عل منايه
الساكن ابغداد رعاط الحيايه

الساكن ابغداد ضرباتو خطيره
يدرك المضيوم بطراف الجزيره
الشيخ ابوجبار فزعاتو جثيره
يحضر المداح لو غز الروايه


يحضر المداح لو صارت غبيه
الباز الاشهب مايهاب من المنيه
من كبل معلوم قطب القادريه
مدمر العدوان ياجدي وحمايه


مدمر العدوان مقديهم رميم
وطالج القبقاب شايبناا الزعيم
سرو شايع دوم جدنا من قديم
امبرد النيران دواس المنايه


مبرد النيران لو صار العنادي
تشهد البلدان وكبار الجوادي
الشيخ ابوجبار ياقطب ابغدادي
ومرعب الكفار وتشهدلو العنايه


ومرعب الكفار ابو العرجه جملنه
الشيخ ابوعلامين بيك احنه نتجنه
سبع الجزيره ابساع شاراتو تصلنه
شبه برك اغيوم ساداتي دهايه


وشبه برك اغيوم لو جدي لفانه
يشهد التاريخ لجدادي حمانه
ألدسوقي الحيد ولملثم ورانه
يدرعون الزيج ان صحنه البلايه


يدرعون الزيج يانعم الجدادي
حاضر الشدات ابومكلد اسنادي
منذر تنخه وصاح يادرع الرمادي
جودو بالأنضار حالتنه بردايه


جودو بالأنضار يجدودي علينا
نرجوك بالأمداد ابو الزهره نبينا
صلى عليك الله وبأرض المدينا
بعداد رمل الكاع وذرات البنايه


من العضيم اليوم عممت القصيده
وطالبين افزاع ياسكن ام عبيده
من كبل معلوم مايجفي مريده
منذر المداح واجع بالبلايه


تمت والحمدالله بقلم المداح منذر العبيدي
2021/6/8 الثلاثاء رجائآ عدم التلاعب او التحوير في القصيده