لو صرت بضيجه حشم وانخه الدكتور سيد صالح النعيمي راعي الدستور

لو صرت بضيجه حشم وانخه الدكتور
سيد صالح النعيمي راعي الدستور


صلو على محمد سيد السادات
احمد شفيع الخلق يوم الشدات
يسيدي نرتجي منك نظرات
انته الحبيب الغالي والوجه ينور

لو صرت بظيجه حشم ونخه الكيلان
ابو صالح يحظرلك ناشر جنحان
وين الذي يعادينا ويدور محان
يلكه الباز بآذن الله واكف ناطور

لو صرت بضيجه حشم وانخه بساعي
كوم بطولك ونادي بالرفاعي
وحك الله يجيك بسرعه يداعي
ابو العرجه سندنه وصكار صكور

وحك الله مو كصره بالساده نعيم
كلهم اعلام ترفرف يجلون الظيم
ولاكني اخص بهذا التنظيم
ابو نوفه الشيمجه الساكن بالدور

ابو نوفه الشيمجه لكل عله علاج
يدكتور المشايخ لصاح سياج
يحي الله السياده طبونه فواج
كالو جينه عل حادي الدرب منشور

كالو جينه عل حادي الدرب مرسال
ويحشم بالمشايخ ويدور فعال
ابشر هذا ابو نوفه جايك خيال
دايس خشم عدوانك ما خله كصور

ابو نوفه يسنادي يانور العين
اكتب للكم كصايد صايرلي سنين
منين اجذبلكم السبعه وحسين
تايزعلكم يهل الله ويصير حضور

يبو نوفه تشهدلك كل الهنود
لمن صفكت بيدك عند الحدود
شبه البحر من هاج وبي كل الزود
طيحت اعروش ملوك من كبل دهور

طيحت اعروش ملوك بسم الجبار
خليت اهل العلوم بسرك تحتار
اريد اني احلفك بسم بالجبار
ترضى الحادي بالذله كلبو مكسور

بلجي بجيتك يشايب ينزاح الهم
خبري عندك غيريه وسر مطلسم
والله لو لا تحظرلي ماني مهتم
حجي العاذل والايم ميحجي بزور

لو صرت بضيجه كوم وجثر الصايح
ونخه راعي الغيريه سيد صالح
ابو احمد الشيفيه طير جارح
مثل الحور البكبيدي بسمانه يدور

مثل الحور البكبيدي بسمانه يحوم
وكت الحرايب والله هو الزيزوم
ابو نوفه وصوابو دايم معلوم
تشهد هذيج الدار الخلاها تمور

كتب غانم عالساده هذا الاقوال
يرجه فضل دعائو همو ينشال
بيكم ترى متحزم يا نعم ارجال
والي جفانه ابدا ماهو معذور