من يزعل العباس يلفي بحيلو والكاع ترجف من حوافر خيلو

من يزعل العباس يلفي بحيلو
والكاع ترجف من حوافر خيلو

&

انخه محمد والصحابه والو
حت فاطمه البضعه وبقيت اعيالو
شوفو ابنكم شردو من بالو
شايل حمل مومال هوه ايشيلو

&

ماهي مروه تتركوني لحالي
النار تلهب وحركت دلالي
اني نخيتك كوم رجع البالي
ماعدنه غيرك الحجي نحجيلو

&

من كربلاء دنهض وسرج حصانك
ادري الشهامه والوفه من شانك
يميسر انت حشمت بلسانك
واني مالفاني للحضره اروح امشيلو

&

واني مالفاني للحضره روح وسلم
وكلو ابنكم مرتي ومتالم
ترضاها يالعباس بس انحشم
محد يكدر لهل بلا ايزيلو

&

اني العبالي لو صحت تلفوني
وكدام كل الناس متفشلوني
يعصه عليكم سافل وملعوني
اضرب يبو فاضل ولا تأويلو

دضرب يبو فاضل بجفت ايدك
اترجع البال الخذو انريدك
اني ادري بالمحنات هيه عيدك
واليوكف كبالك ترى ياويلو

&

من يزعل العباس كلها تهابو
ماخاب من سار وكصد لعتابو
يله سرجوله الخيل من يم بابو
يفزع على الما ينام بليلو

&

يفزع على ابن لا يكع ويطيحي
بارض الغرب نايم تره ويصيح
ادريك لو تلفي اسرع من الريحي
وتفش دمع عين التحدر سيلو

&

والصاح بيكم من عكب عشويه
ينطر فزعكم يب البديويه
يبن علي الكرار ابو الغيريه
ماتسمع ميسر ترى دك تيلو

&

عليش امدح وانصب الاعلامي
والي احشمو مايكف جدامي
الي جفاك اليوم يابو سامي
كل المدايح ابد لا تحديلو

&

بس اخو زينب مايعوف اولادو
يحضرهم بسرعه ويجيب امدادو
مايوم رد الي اعتنو كصادو
بالحضر يردم جيل بجيلو

&

بالخاتمه يابن علي الكراري
راحتنه بيك يابو راس الحاري
هذا كلامي والمدح واشعاري
لحضرت العباس راح اهديلو

» آل البيت نحشمكم ياعقال الراس اني واگع دخيل أعتاب العباس