دكيت باب الشيخ عبد القادر هوا يعرف ليش اعتنيت وزاير

دكيت باب الشيخ عبد القادر
هوا يعرف ليش اعتنيت وزاير

دكيت باب الشيخ جيتو عاني
بأذن الله مايخليني أردخجلان
الباز الأشهب حظرة الكيلان
هاذا أبوصالح مايرد الخاطر

دكيت بابك ياحظرة الباز ي
أبجي بعبره وللفزع متوازي
أن جان لسعنه ياجدي عزازي
تحضر عليه فوك مهره غاير

دكيت بابك جيت أدور فزاع
أدريك والله ماتخيب الداع
بسمك يابوجبار أحنه نواع
فرحتنه بيكم ول فزعكم صابر

دكيت بابك جيتلك مظيوم
وبشاربك تحضر علينه اليوم
الشيخ عبد القادر المعلوم
أني بحماكم يامطلب الزاير

سعد تعنه وكاصدك بزيارة
ندريك ماتبطي عليه بالشاره
ان جان ماجيتو تره كساره
مابيهه داعي ابقا أظل مناطر

دكيت بابك عاد يبو صالح
أنتا البطل ماتجفي كل من صايح
يالباز أعرفك دوم ظربك جارح
تكتل الطير الي بسماكم طاير

بالحوش واكف وشحذك ب عيوني
وكول جدي مايخيب ظنوني
بس لا جفاكم كلها عندي تهون
وانتا تعرف بالي جره والصاير

كامش ظريحك يبو صالح واربي
أنتا تعرف شاكو كلام بكلبي
اليوم رح امدح ودكلك حربي
الباز الأشهب ياملاذ الحاير

دكيت بابك من دخلت الحضره
شايل هموم وخانكتني العبره
ألي ينتظر منك فزع شي صبره
لصدودكم ياشيخ ماني كادر

وبحضرتك دمعي نزل سيالي
وانتا تعرف الي يدور بالي
ياباز كوم وفرح الدلالي
ألي بمديحك أني أظل متفاخر

جيت من أرض كركوك ردت امدادي
ودريك ماترفض طلب للحادي
تراهي ضاكت يا قطب بغداد
ان ريدك أول بالشدايد حاظر

اخر كلام يكول أبو عبدالله
يرجد بدفو حشم وماخله
الهكوا بيكم عاد ياباز الله
حاديك أني ول جنابك شاعر

» دكيت باب الشيخ عبد القادر
» هايم بحب النبي والعشك جنني لحد يلوم الجذع للهادي من حني
» قطب الاقطاب الشيخ عبد القادر بحر العلوم وعلمه متواتر
» حضرة السيد الشيخ عبد القادر الكيلاني (قدس الله سره)
» دك دفك يحادي واندب السلطان وصيح الشيخ عبد القادر الكيلان