صالح المداح غزالهم رواية وحشم الكيلان دواس المناية

صالح المداح غزالهم رواية
وحشم الكيلان دواس المناية

صالح المداح بالله امدح عليهم
ويفرحون لو خبر منك يجيهم
ولطريح يطيب من يجبل عليهم
ويدركونة ان عضته بعض الحيايا

صالح المداح انخ جد الحفايا
كلهم طلجين مابيهم رداية
ويلكدون ان صار بظهور السبايه
وسور للخواف والخيل الرداية

وصالح المداح شوشح بال جليسة
واندب الحفيان ابو گطية وخميسة
يوم صار امحان والسادة ابجيسه
وانخ ابن كعود من جاي الحفايا

وصالح المداح كوم امدح ياخايب
ترچ اعلوم الزلم وانخ الحبايب
لولفت قبشة العلي عي الطلايب
امحزمة الضباط بال گجگ النهاية

وخبرو عرنة ترئ الدعوة علينا
وشوشحو للساداتنه بلجي تجينا
وخابر الحفيان لو سطرة متينة
ولاهل طربهاش دزينه الوصايا

ولاندبك جفال اخو عرنة الزعيم
صاحب البرهان شيخ وبيك شيم
ان جان ماكمتو علئ الحادي هضيم
نترك التمديح وانبطل نهاية

ويوم دكت الملح فزعنا الفزاعي
وانتخو جيش الحفايا والرفاعي
اجدودنه من كبل حلوين لاطباع
يطلجون الزمل من حبس السراية

والملح لاكشر قجق مابو كتابة
ويعتذر ذنون مالبو جواب
دفزعو يا جدودنة وصارت اطلابه
بينه وبين الحكومة بالسراية

والعويصي يكتبلنه ابمانية
يااهل الناموس والغايريئ
انجان ما كمتولنه ابفزعة رهية
ينكسر نموسنه ابنص الكراية

ولاندب الكيلان يجي ويزيح ظيمي
ويرفع الهم الوسط كلبي امجيمي
وصحت يامنصور يا جد النعيمي
وثلاث اتنعام جفال الحفايا

ولاندب العباس ابو علومآ بعيد
صاحب البرهان علئ محنة الشديد
صالح المداح دربلك جريدة
والتقي الدعوة ودگاله ثوايه

صالح المداح انخ جد المهنة
وصاحب البرهان علئ محنة يتجنا
ولاحراب الماضية وسابج لاهلنة
واهل سر وسيف من دور النباية

وصالح المداح كوم امدح وصيح
واندب اشيوخ الي يطلجون الطريح
جم فارس بالوغا. منهم ذبيح
اقدو اهدومة ملاطخت بالادماية

صالح المداح يومي بالگصيرة
واندب اشيوخ البرض كاع الجزيرة
الشيخ عيسئ لو ضرب هد البصيرة
ولو تصاوي اتهدلنه البناية

والحفايا يفزعون ان صار صايح
فرحت المضيوم شدو ع لكايح
يوم دخان الفشك بالجوي فايح
سور للوندات والخيل الردايه