مندوب ابو الحسنين والله بهاية ضاگت علينة ورافعين الراية

مندوب ابو الحسنين والله بهاية
ضاگت علينة ورافعين الراية
…………
ضاگت علينة وماعرفنة الچارة
دنيا وعلينة من الألم مطارة
بيك الأمل للشوگ تطفي نارة
وتجمع شمل الاحباب بسمك هاية
…………
بسمك علي الكرار احنة انواعي
مهموم من عندك اريد افزاعي
معروف عنك باالشدايد ساعي
احضر ترة نار البعد چواية
……………
احضر على الينخاك تاج الراسي
حبك بگلبي ماالة مقياسي
جفت الخوة من شواطي الناسي
ترضة يبو الحسنين انت بهاية
…………
ترضة يبو الحسنين نبقى بحيرة
ضاگت علينة النظر بلچي اديرة
انخاك داحي الباب ياابو الغيرة
انت الذخر والسور وانت حماية
……………
انت الذخر حيدر علي وحمانة
بيك الأمل من نندبك تلفانة
مانامت عيون الحسب سهرانة
منك نظر تشفية من كل داية
……………
نظرك يبن عم النبي العدناني
عاشگ جنابك تاية وحيراني
وسط الكدر بالله لاتنساني
هايبو الهمة وبيك كل كفاية
……………
بسمك تنادي الروح من بلواها
احظر يبو السبطين لاتنساها
الله اكبر ياعلي ترضاها
انصار الك من الوجع بچاية
……………
روح المحب حيدر علي تناديكم
نظرة عليها بكل حزن تنخيكم
ياابو الحسن صاح بقهر حاديكم
مرو علينة الكم نصبنة الراية
……………

» زلزلة وروجات لو حدر علينة
» قصيده ومديح ان جان جدي مالفاني بهايه والله لشك الثوب وانصب رايه
» يالساكن بالمدينة.. جود بنظرك علينة ذكرك ياطه بلسم رحمة للنا وسكينة