زلزلة وروجات لو حدر علينة

زلزله وروجات لو حدر علينه.
ابن عم الهاشمي درع المدينه.
ــــــــــــــــــــــــــــــــــــــــــــــــ
١/زلزله وروجات لي قاد السرايه.
ابن عم الهاشمي درع الولايه.
يوم مسني الضيم واندگت روايه.
گال تبشر يالحسب فزعات جينه.

٢/گال تبشر يالحسب چيتك تراني.
ولطريح النام ننطيه الضماني.
اني داحي ابواب خيبر في زماني.
واني البوكتك رعط حيه ابيمينه.

٣/اليجيني ابرؤيتي ويرعط افاعي.
هذا يستاهل عليه امدح واواعي.
جدي ابو الحسنين لو شمر اذراعي.
يدرك الينخاه والعايل ايهينه.

٤/يدرك الينخاه بديار البعيده.
ابو تراب العود بالمحنه وليده.
لولفه الفقار تسمعلو رعيده.
شبه مزن اذار اليغرج سفينه.

٥/شبه مزن اذار لوجه امن الغروب.
يروي گيعان المحيله والشحوب.
يعدلون الحال لو امسى تعوب.
واليلوذ ابجالهم نال المعينه.

٦/حيدر الكرار لو مر عالطريح.
يشفى بذن الله ولابد يستريح.
ال بيت المصطفى السر الصحيح.
من رسول الله حصتهم سمينه.

٧/من رسول الله سرهم بيه تضمد.
مايخيب التحضرو فزعة مُحمد.
هذا ابو البرهان سيدنا الممجد.
قائد الأسلام ذو الُسنه الرزينه.

٨/يا ابو الحسنين طبعاً بيك همه.
يفزع ال طه نسيبه وابن عمه.
اليحب المصطفى مبري الذمه.
والي ما حب التهامي عمت عينه.

٩/لوذ بالأجواد يمحمد النايف.
واندب الكرار وادحم عالمخاوف.
راچب الميمون لو هد عالكلايف.
حاضر ومعلوم كل وكتن وحينه.

١٠/گوم شوشح يا ميسر تا يجون.
تنگضي الطلبات وكتن يحضرون.
ادري بيهم بالشدايد ينتخون.
واول الفرسان ابو الحمله علينه

١١/صلي يا ربي عدد نجم السماء.
عالنبي المختار معقود اللواء.
ربي بالمختار تقبلي الدعاء.
للذي لحكمك يربي صابرينه.
سلمت يمينك يالغالي محمد النايف العبيدي