عملنه اشما كثر قصر ولا شي ... فساد كلوبنه اسباب التلاشي

عملنا اشما كثر قصر ولاشي .. فساد كلوبنا اسباب التلاشي

☆☆☆☆☆☆☆☆☆☆☆☆☆☆
كبل ما فكروا يوم بكرامة . . كبل همهم طريق الإستقامة
كبل صافي عملهم للقيامة .. يا شيخ اصفن لا تسمع وانت ماشي

☆☆☆☆☆☆☆☆☆☆☆☆☆☆
كبل جانو سليمن النوايا .. بساطة الهم ولكنهم دهاية
كبل جانو يشكون الحيايا .. عليهم والقهر ياكل حشاشي

☆☆☆☆☆☆☆☆☆☆☆☆☆☆
كبل نيتهم ابيض من ثلجنا .. واريد اليفتهم مقصد هرجنا
الي يغثك واليدوس المعجنا .. الي يشيل الخشم شيخ الفشاشي

☆☆☆☆☆☆☆☆☆☆☆☆☆☆
كبل ما غثو الخاطر حشاهم .. ولا ينطون لمسير كفاهم
كبل رنة ذجرهم يا حلاهم .. يرشون العصر جسر الحواشي

☆☆☆☆☆☆☆☆☆☆☆☆☆☆
سرجهم فوك الجتاف اش ثكلهم .. يفرحون الطفل بملبس الهم
عمت عيني وادور عالمثلهم .. يفاهم هالحجي مو عالبلاشي

☆☆☆☆☆☆☆☆☆☆☆☆☆☆
كبل جانو من اكراب المدينة .. مباشر بثهم وتسمع رطينة
يروحي اشدار الاريل ياحزينة وشيش الفخفخة الخربط معاشي

☆☆☆☆☆☆☆☆☆☆☆☆☆☆
كبل ما لبسوا ثياب التباهي ..ولا شافو تلفزون الملاهي
كبل ما جانو اخفاف الاياهي .. كبل وزن الجبل طيب المعاشي

☆☆☆☆☆☆☆☆☆☆☆☆☆☆
كبل ما جان يغدرون بكرابة .. كبل منهجهم العثرة وصحابة
حلات السانهم لو دن يايابا .. اهل وجها حلو بسمه وبشاشي

☆☆☆☆☆☆☆☆☆☆☆☆☆☆
كبل ماي الوضوا بارد يا كزير .. شربهم مي نهرهم يافريزر
كبل حوبتهم اصوابك يا ليزر .ياسيد اصفن لا تسمع وانت ماشي

☆☆☆☆☆☆☆☆☆☆☆☆☆
تغيرنا وجرفنا المي علالي .. غرور الجاه وطقطقة النعالي
اريد اسأل مجامع الملالي .. عسى يمهم جواب الما ورى شي

☆☆☆☆☆☆☆☆☆☆☆☆☆☆
كبل يمشون يفكون الظلايم..ويطلجون الاسير من الهوايم
حلو ممشاهم تلوك العمايم ..تلاحت من بعيد الها ابتشاشي

☆☆☆☆☆☆☆☆☆☆☆☆☆☆
عصفور الشرد خيط التحول ..خليط الحابل النابل بالاول
اريد الدنيا ترجع مثل الاول .. واريد اليسجد بليل الغباشي

تأليف : #محمد_الدوري #أبو_معتز