دولة الاشباح Admin
عدد المساهمات : 356 تاريخ التسجيل : 14/11/2016 الموقع : العراق
| موضوع: يلوك التاج للساكن بلعماره ابوالعرجه الرفاعي الشاعت اخباره الجمعة أكتوبر 22, 2021 3:07 am | |
| يلوك التاج للساكن بلعماره ابوالعرجه الرفاعي الشاعت اخباره
أليف أبدي بمديحي وانظم اشعاري بذكر الله الكريم الخالق الباري وَصلّي عالشَّفيع النبي المختاري وهل بيت الحبيب وصُحبه لطهاره
البَ بانت يَمينِ المصطفى الهادي قَبَّلهَه الرَّفاعي ونالَ لمرادي لبس تاجِ القِياده من وِصَل غادي عِند حَضرة نبينه وشاهَدَ انواره
التَ تِدرون حالي اليوم مَضيومي دمع عيني غزير وبلل اهدومي يهل الله اسعِفوني وزيحو لهمومي ولَو بالطَّيف مُرُّولي بِلِبشاره
الث ثارت الخيل وغارت افزاعي من البطحه تعنت تطوي بالكاعي ابو اعلامين ورجالَهو لسباعي على العايل تَعنَّو هَدَّمَو داره
الجي جدي الرفاعي يانظر عيني أريدك دوم عالكلفات تلفيني يبو العرجه الشفيَّه ابسرك احميني يا نِعمَ لِسنادِ وصاحب الشَّاره
الحَ حِمَه الوَطيس ابساعة الشِّدَّه ونيران الحرب شَبَّت ومِتوَكَْده قائدهه الرفاعي عالخَصُم حِدَّه يِكَطعون العدو بسيوف بَتَّاره
الخَ خيل الرفاعي عالعدو غارَت على العايل تعنت وبزعل ثارَت بحوافرهه تِعِج اتراب مِن سارَت لفت وكتِ الشدايد ساعة الغاره
الدَ دَكَّت اطبول الحرب بالسَّاحه لِفاها ابن الرفاعي ابسيفه ورماحه يجم اخشوم داسُ والعدو زاحه عشر تنعام مِنَّه سَبعِ لَعماره
الذَ ذاب الجسم ودموعي هَمَّالي جَوِّي ماصُفه وآني بكدر حالي اريد انخه اهلنه سيادي وآمالي وِلِتعَدَّه عليهم يِنهجِم داره
الرَ رايد فزعكم ساعة الضيجي ومن ضيم اللفاني شككت زيجي دنجدوني يلهلنه مو يِبس ريجي لهيب ابكَلبي حار وما طُفت نارَه
الزَ زاد الألم يجدودي دلفوني مو حالي سقيم وعِميت اعيوني اريد افزاع منكم لاتعوفوني تراني ابحيره واكَع رايد الشاره
الس سيف المجَرَّب وهل نوماسي ابو العرجه الشِّفيَّه رفعت الراسي هلي يَهل المرُوَّه ضاكَت انفاسي اريد افزاعكم بالعَجَل مَطَّاره
الشي شَنَّتِ الغاره ابعَجَل عالعُدوان غارات الرفاعي تدخل الميدان تِشهدلَه الشجاعه سَيِّدِ الفُرسان مثل صَكَرِ الجزيره ايحَدِّر احداره
الصَ صلّوا على طه النَّبي وآله رسول الله محمد نحتمي بجاله يرب ارحم عُبيدك عدي وعياله بجاه المصطفى المختار وسراره
| |
|