دولة الاشباح
Admin
عدد المساهمات : 356
تاريخ التسجيل : 14/11/2016
الموقع : العراق
 |  موضوع: الروح بيكم هايمه ومشغوفه &&& جودوا يابو صالح علي بشوفه السبت أكتوبر 23, 2021 2:28 pm | |
|
الروح بيكم هايمه ومشغوفه &&& جودوا يابو صالح علي بشوفه
*********************
الروح هامت والعگل مشغولي
ومن كثر شوگي صرت اگع من طولي
ياباز يم بابك عگلت ذلولي
والمثلك ابداً مايرد ضيوفه
**********************
يامن مشيت بشوگ للگيلاني
بالله ريض بالمسير اتناني
حملي ثجيلن والهيام اعياني
وشموس حظي من الذنب مخسوفه
*********************
يالرايح لبغداد اخذلي وياكه
سلام للشيخ ان وصلت هناكه
امانة الله ادعيلي يم شباكه
وقبل ضريحو الطوفه تلو الطوفه
**********************
زوار متعنين نحوى اعتابك
من كل بقاع الارض جوك احبابك
ياقطب بغداد الاسود اتهابك
واللي نزل بحماك يذهب خوفه
***********************
گصاد تهوي السالكين لدارك
ضاگوا عجيب اسرار ورد اذكارك
نظره علينه من فيوض انوارك
للعلل انفاسك شفا موصوفه
***********************
اللي تمسك في محبتو فازي
فزعاتو مثل البرگ للمتوازي
نسل الامام الحسن جدنا البازي
بدم الاعادي مخضبات اكفوفه
*********************-*
من زغر سني امولع الدلالي
بحبكم أيا غوثاه اومغرم حالي
كفوا حچيكم عني ياعذالي
مجنون من ضاگ الشهد وايعوفه
************************
نندب انواعي انصيح ها ياجدنه
شيخ المشايخ مدد منك ردنه
تضرب ابسرك الخصيم الضدنه
الغاشم اللي يسل علينه سيوفه
************************
لو القى سرو علجبال اتغوري
وصخورها تحت الارض منثوري
كُل الوحوش البل فلا وبحوري
جدام سطوت هيبتو مكتوفه
************************
النفس في حُب الإله افناها
بالطاعة وبتقوى او ورع زكاها
علوم كادت تندثر احياها
واهلل حقيقة لمنهلو ملهوفه
***********************
ينفق لوجه الله دون حسابي
لابن السبيل اوضيفه والطلابي
ويقدملهم ما الذ اوطابي
ما غير خبز اولبن يدخل جوفه
************************
من مشرب الگيلان ابن ايوبي
الفارس المغوار المهيوبي
لو ثار عل كفار مثل الطوبي
اتموت مرعوباه لمن تشوفه
***********************
عبداللطيف انعيمي طرفه ساهر
عايم ابحر الصالحين الزاخر
ينظم شعر بالشيخ عبدالقادر
من نبع دلالو يخط احروفه
*************************
صلوا على الماحي بعشق وهيامه
ايفوز من لازم لها دوامه
يلگاها غادي بالحشر جدامه
يوم الخلايق واچفين صفوفه
*************************
تمت بعون الله..
بقلم السيد عبد اللطيف الانعيمي.. ابومحمد
يوم السبت
2018/12/22
*********************
| |
|
