لبنالهم رايات فوك اجبالي شوباش للشيخ اليجي خيالي

لبنالهم رايات فوك اجبالي
شوباش للشيخ اليجي خيالي

شوباش للشيخ اليجي فزعيه
يحضر مريده لو تنخه بذيه
العبد الاسمر شارتوا كشفيه
وله ابو مكلد للعدئ جتالي

وله ابو مكلد بضيج فزاعي
يدرك مريده المرتمي بلكاعي
شيخ الحديد كـلاسد لو جاعي
يامعدن الشارات والأفعالي

يامعدن الشارات ابو عدناني
شيخي شجاع وبلمحن يحماني
طه ولدكم طايح وحزناني
ينتظر شاراتكم جمله ارجالي

ينتظر شاراتكم يبو قبقابي
صحت ابو صالح ها يليث الغابي
يبن الرفاعي ضمدولي صوابي
هايل دسوقي وجمله الابدالي

ها يل دسوقي والبدوي اسنادي
اساكنين النيل سور الحادي
شوباش للشيخ اليجي هدادي
وين اليعدلون الحمل لو مالي

وين اليعدلون الحمل لو طاحي
لو صار بلميدان ضرب اسلاحي
الساكن ارض الدور جبش انطاحي
هذا ابو نوفه كاضبنه التالي

هذا ابو نوفه واخو خميسه اجدوادي
واحمد وعبدالله وعلي سانودي
ها يبو فطيمه صطمته البارودي
ها ها يهلنه يانعم لرجالي

ها ها يهلنه اني ازامط بيكم
يوم المحن والله تره ناخيكم
يهل العجاجه شهل جفئ لحاديكم
طه ينادي بصوت. ها يرجالي

طه ينادي بصوت تالي الليلي
ومن الكدر اني تره نهد حيلي
الساكن ارض اتلاع ابو الزنجيلي
والله لو يحضر شبه زلزالي

والله لو يحضر ابن عوادي
ويا ابو مساهر فرحت المترادي
صحت اخو سنيه وي جمله اجدادي
وعرنه الزعميه والاسد جفالي

هاذي شجيه معنونه ومهديه
لكلمن براسه لابس السيديه
طه العلي صاح وتنخه بذيه
بضنوه نبينه الهاشمي الغالي

تمت والحمدلله بقلمي المتواضع
طه السيد علي الصميدعي

» غزيت رايه والفزع ماجاني شوباش جدي النطق الخرساني
» لبنه روايه من الهضم واتاني للشيخ عبد القادر الگيلاني
» ابنا روايه امنكشات الواني للشيخ عبدالقادر الكيلاني
» لهل حمرين اغز رايات يومية وصيح أهل الدرك وين الرفاعيه
» رايات اهلنا الوان فوگ الارتابي جمع النوامس دوم مرهم اصوابي