دولة الاشباح Admin
عدد المساهمات : 356 تاريخ التسجيل : 14/11/2016 الموقع : العراق
| موضوع: جت اتمايل والنبي حاديها ناگة محمد والفخر عاليها السبت أكتوبر 30, 2021 1:21 am | |
| جت اتمايل والنبي حاديها ناگة محمد والفخر عاليها ـــــــــــــــــــــــــــــــــــــــــــــ ١/جت اتمايل من فخرها اب طه. تمشي برهاوه وما تعجل اخطاها. ناگة محمد بالفلا شمحلاها. ماترضى غير المصطفى ياطيها.
٢/يا سادتي ويا أخوتي وأبنائي. أوصف لكم اخبارها وما جائي. ناگة محمد اسمها القصوائي. رزنه وثجيله وشامخه براعيها.
٣/رزنه وهميمه وعالسفر مگواها. حگها اتباها واحمد الفوگاها. لو سارت اتجوب الفلا ابمسراها. فوگ الأرض واهل السما تحميها.
٤/فوگ الأرض محبوبه لمن سارت. جالت بسم طه الحبيب ودارت. ناگة محمد هيه من اختارت. مسجد رسول الله بأمر هاديها.
٥/الشاركت بالحرب فوگ الفوگي. ناگة رسول الله تسوه النوگي. يا سادتي الناگه الچتلها الشوگي. لوله بوكتنا بروح چنت اشريها
٦/ناگة محمد بالوفاة الجاها. تهمل دمع حد ما عمت عيناها. فگدت رسول الله وبطل ممشاها. حد ما توفت من رحل غاليها.
٧/صح ناگه لكنها حسنها طاغي. لا مفتري في وصفها ولا لاغي. سبحان ربي من تجلا وصاغي. الخالق القصواء مبدع بيها.
٨/ابو بكر من جابها وقدمها. والهاشمي لحسن الخلق علمها. معروفه من اصل وأدب ما ذمها. صديقنا لخير الخلق منطيها.
٩/كاتب لها وليا فخر ما أكتب. وأرجاك يا ربي بحروفي واطلب. لمحمد النايف نظر من تلهب. ويوم الوزن زلاتنا تمحيها.
١٠/ربي ابجاه المصطفى العدناني. ادعيك لميسر قصر بجناني. يسلم يرب من زلت الشيطاني. ويكون جيران النبي بعاليها. | |
|