دولة الاشباح Admin
عدد المساهمات : 356 تاريخ التسجيل : 14/11/2016 الموقع : العراق
| موضوع: يهل خضر العمايم كلبي تولع بيكم.... وانجان ماتلفوني يحرم علي طاريكم الأحد أكتوبر 31, 2021 1:02 am | |
| يهل خضر العمايم كلبي تولع بيكم.... وانجان ماتلفوني يحرم علي طاريكم... @@@@@ ويهل خضر العمايم كلبي بهواكم ذايب... وبانت علي غيبتكم عجل محنه كرايب... والحادي صار بضيجه وراد الفزعه من الشايب شاره تلفي فوريه يفرح بيها الناخيكم... @@@@@ ويهل خضر العمايم انتو سيفي عالعايل... وانتو ذخري واسنادي معدلين الحمل المايل... مالت حمولي مالت دربي بعيد وطايل... واني كاعد برجاكم ماتلفوني وشبيكم... @@@@@ انتو سيفي عالعايل واسنادي يوم اللكوه... جمع الجبر يجدادي صوتي بمدحكم يكوه... عطشان وكلبي ظامي داووني يهل الهكوه... واسكو عطش دلالي ماني برجا شاطيكم... @@@@@ ويحلوين الطبايع واهل الشاره الكشفيه... خبري بيكم نشامه اهل غيره وحميه... ضاكت علينه الوسعه وصارت علينه اغبيه... يهل سود الضرايب ردو على مناديكم... @@@@@ ويهل خضر العمايم بيه اشتفت عدواني... وطالت علي غيبتكم يفرسان الميداني... وباني الرايه وناصبها واشوشح للفرسان... جمع الجبر يسنادي والساني يمدح بيكم..
امدح واشوشح بيكم وكلبي بحبكم مفتوني... ويهل خضر العمايم ماظنتي تجفوني... وانخى سبع الجزيره سيد طحر مبخوني... وجده صبحه الشفيه بالحسبه مو ناسيكم... @@@@@ ويعيين الطلايب جمع الجبر محلاهم... يسرجون المهاري وين الرايد ملكاهم... يلفون الحادي الناده بالعجل لوينخاهم... دلفو على المتوازي واني ابمحنه راجيكم... @@@@@ الهج وامدح بأسمكم يحلوين المعاني... واليوم مدة وكت منكم خبر ماجاني... طلو على حاديكم بجاه النبي العدناني. يفرسان الطلايب صارت ثلمه عليكم... @@@@@ ونامس دز العنواني وبيدو خط البرقيه... من ديار الباووجني وناده اسباع البريه... جمع الجبر يجدادي ردو بعجل عليه... يالمجبرين المكسور جبرو كسر حاديكم... @@@@@ ونامس صاح وناده وراد الشاره الفوريه... من اسباع الجزيره ولد الجبر جمعيه... ويعيين الطلايب جودو بنظره عليه... مظهود وضايع حكي ردو طلب غاليكم...
| |
|