رايات اهلنا الوان فوگ الارتابي جمع النوامس دوم مرهم اصوابي

رايات اهلنا الوان فوگ الارتابي
جمع النوامس دوم مرهم اصوابي

1ابدي مديحي دوم بازكى صلاتي
على النبي المختار حلو الصفاتي
ايارسول الله شوفك امناتي
كثر الجفى والله زود عذابي
2رايات اهلنا الوان علت تنادي
احضر ياباز الله وسور ابغدادي
القادري الگيلان ذخر الحوادي
دايم سند للصاح يابو قبقابي
3دايم سند للصاح شيخ العريجه
ينظر على الينخا ودرب وثيجه
كلمن علينا يعيل يگضبه طريجه
ويدعي دياره فوگ راسو خرابي
4رايات اهلنا الوان رفن عوالي
جمع النوامس دوم بيهم افعالي
لو صحت ولد الشيخ وگفو گبالي
مثل الإسود الجايه من وسط غابي
5مثل الإسود بساع حظرو علي
لمن صحت بالدفوف وين اخوزهيه
عبدالله النامس جاي امر سريه
يقود بالشجعان عند الطلابي
6غبشه العلي بكل حال تفزع ورايه
چنها جبل سنجار بيها الكفايه
سر اخت نامس دوم كسر اعدايه
ماخلت المداح وسط الاجنابي
7سيف الحرب بتار تسمع صليله
اعلم تراهو الجاي ابو الخبيله
جاسم ابوابراهيم ذخر الدخيله
اليگصدو بكل حال مايوم خابي
8رايات اهلنا الوان والها رعيده
وخيولهم بالطراد روسن عنيده
مايوم نامس گال المحنه شديده
يدعر شبيه الليث مدمي الانيابي
9الشيخ عيسى سباع كلهم سياده
ما يقبلون الصاح حالو يتراده
ازغر طفل والله يسمع الناده
وبذكرهم يا ناس كل جرح طابي
10وبذكرهم يا ناس تصعد الغيره
من واحدينا يجيب طاري البصيره
لوجاناابو سلمان نسمع هديره
مثل الرعد ويلوح بين السحابي
11النام بالجرناف يابعد روحي
سيد احمد النامس يبري الجروحي
ابو حمد لويوم يسمع بنوحي
يصبح شبه بركان ولحگي جابي
12يصبح مثل بركان عند المريدي
لمن يصيح بصوت وين ابو مهيدي
صالح ترا بكل يوم سره يزيدي
جدو علي الطماس زاچ الانسابي
13رايات اهلنا الوان رفت ياعالم
ماخلو اي قصور عند اللوازم
امدح الولد الشيخ واكتب ياغانم
وانده بعالي الصوت كلكم احبابي
14صلواعلى المختار راعي الرسالة
وبعده التسليم الصحبه وآله
سيدي ونور العين ماكو مثاله
شافع الكل الناس يوم الحسابي
#تأليف السيد غانم الريا الغربال الغربال