هوى الغربي دوديلي سلامي لابو إبراهيم بجناح الحمامي

هوى الغربي دوديلي سلامي
لابو إبراهيم بجناح الحمامي
____________________
هوى الغربي دوديلي تحية
أمانة وياك ارسلها وصية
اريد الوصل ما يوگع بيديه
عليَّ عجل فزاعك يا توهامي
____________________
هوى الغربي بليت الروح بلوى
دنسم عاد مو گلبي يتچوى
بــعد مالي ابـــد بالدهر سلوى
بتت مطعون مضروب بسهامي
____________________
بعد عيني اليمينة وبعد روحي
طعين ومن غرامك بس انوحي
على طيبة يعالم طال شوحي
اموري صعاب ابد مو عالمرامي
_____________________
حرت والدهر حيرني يعالم
گلبي والكدر والهم توالـم
الوكت وياي صاير حيل ظالم
حرمني زيارته وقيَّد اجدامي
____________________
اريد اوصل وازوره بكل وسيلة
لأن حسبات لبگلبي ثــجيـلة
يقبة الخضرة للتايه دليله
تهيج كل وكت شوگي وغرامي
___________________
همل دمعي بعشگ طه دوالي
ولا واحد لفه يرحم بحالي
دودولي عريضة يا ملالي
يبلكي المصطفى يقرأ كلامي
____________________
عمل بيا غرامه ودمعي جاري
متيه يا خلق ليلي ونهاري
تراني من السگم أنظم اشعاري
وأريد الوصل يم بدر التمامي
____________________
هوى الغربي دخذ مرسال مني
غرام لبحشى طافح چتلني
شبه مطعون بس اصرخ وأعني
علي زادن يبو القاسم اسگامي
____________________
مكاتيبي لدزهن يا رفاگة
وشاعر للنبي زاد اشتياگه
ابو عزت بچى وبلل زياگه
وجاسم للنبي نصَّب اعلامي