سايح جذيب وبالطلب ميهابي نعمين ابومساهر خلفت اذيابي

سايح جذيب وبالطلب ميهابي
نعمين ابومساهر خلفت اذيابي


نعمين ابو مساهر الكات الداني
لو كام يرزم بالحرب فزعاني
يالغاشم الملعون لا تدناني
عندي كحاطم ينطحون طوابي
...
عندي كحاطم لو صحت بالليلي
يلفون اهنه فوك شكر الخيلي
انعيم اسمهم مثل نجم سهيلي
دوله وقياده ومشتهر بجنابي
...
حشم ابو مساهر فرحة المظهودي
عز الينادي وصيت الو مشهودي
والله وكفو يالتوبلس يجدودي
الكم اسيوفن ما تعرف اكرابي
...
الكم اسيوفن بالطعن مدميه
سابج قديم اخباركم مرويه
عجلين بالكلفات اهل غيريه
زلم المكاون مخطرين اصوابي
...
زلم المكاون فرحة الينخاهم
ينسر دليله وابد ما يركا هم
جدنه آحمد سلاحه مزهب راهم
مكرود اليلوحه أبد ما طابي
...
لنصب روايه بالجبل ورجومه
انجان ماجو حالتي ميشومه
معلوم لو دك صدره ابو نجومه
يلفي افزاعه شبه دفك الزابي
...
يلفي فزاع العود سبع انعيمي
فارس غضنفر عالنخاه ايهيمي
بيده المطبك شيخ ما هو هتيمي
شهدت بحكه الناس ليث الغابي
...
شهدت بحكه الناس واهل الديني
كالو انجوده بسوريا والصيني
والله وكفو من صاحب التمكيني
يسكي المعادي من اسموم الدابي
...
من طوبزاوه حيود شنو غاره
بولهم ابن اذياب راعي الشاره
خيال الصبيحه شحلات اسراره
مكضي لزوم الي نده ملتابي
...
مكضي لزوم الي نده يهل الله
الجبش الارخم جالبرك يحضرله
ماني كصير ولا تمسني الذله
الي ورايه كحوم يوم اصعابي
...
شوشح يمحسوب النعيم وواعي
يلفوك ما يجفون اهنه سباعي
فرسان ابو قبقاب ثم ارفاعي
من نسل حيدر قالع الأبوابي
...
مسلوب حالي وارتجي انفاسي
من جودكم يهل الدرك والباسي
انخه ابو نوفه والخضر والياسي
والسكنو بلاسون هالشيابي
...
للسكنو بلاسون جثر اصياحي
سرعين ما يبطون عالمداحي
عبدالجليل ان صار ضرب ارماحي
ذروه علينه الشيخ عي اطلابي
...
بحب الهواشم مغرم ومتأثر
وشما كتبت بحكهم اني مقصر
يا ربي صل عالنبي المدثر
بعداد خلقك والنجم واترابي
...
هذه القصيدة من تأليف الشاعر محمود عبدالملك الأعرجي.تمت بتاريخ 5 / 6/ 2017