دولة الاشباح
Admin
عدد المساهمات : 356
تاريخ التسجيل : 14/11/2016
الموقع : العراق
 |  موضوع: دك دفك يحادي واندب السلطان وصيح الشيخ عبد القادر الكيلان الأربعاء نوفمبر 10, 2021 5:20 pm | |
|
دك دفك يحادي واندب السلطان
وصيح الشيخ عبد القادر الكيلان
صحيح الباز يلفي كالبرك يمك
شيال الحمول يشيل كل همك
يالمحسوب صيح الشيخ لاهمك
يلفي عالمريد يخمد النيران
دك دفك يحادي واندب الطيار
راعي مرجله هم فارس ومغوار
اهل الوس اندب عالجرى والصار
تلكة خيولهم حامت على الميدان
تلكه خيولهم بالكاع مسروجة
ليصار الملاكة وعلية الروجة
يلفي الباز برك بالسمه فوجة
دك دفك يحادي حضرو الشجعان
ابن سيد عبد لودكن دفوفو
ينخى بالزعيم ويصفك جفوفو
ابو نصر الوليدة الدخل ميعوفو
هذولة احفاد عبد القادر الكيلان
هذولة احفاد ابو الحسنين والطيار
هذوله الي بذراهم جاعد الخطار
هذولة الي زعلهم بردنا النار
هذوله احفاد طه المصطفى العدنان
ابن سيد نزار بضيج ويواني
وعبرتو من الجبل صارت علي اني
الناس اتلوذ بالوديان وتعاني
وكال اني دليلي صاحب البرهان
كال اني دليلي الباز واصحابو
هذاك الي نختو وفكها قبقابو
دك دفك يحادي الفضا ماجابو
يلفي بالزعل لوصحت ياكيلان
دك دفك يحادي واندب الصلاح
يلفون المريد الي توازه وصاح
عاده الهم ذرى المحسوب والمداح
اذا صار الملاكة وحمين الصيجان
صيح الشيخ صيح الباز والهندي
يضربون الخصيم الجاي متعدي
يسلطان ابغداد احظرني ياجدي
اذا عالو عليه وصار بيها امحان
اذا عالو عليه ومابكت جارة
هم ترضى محسوب يصيرمعيارة
خبري من الهند حرمة اطلبت شارة
لبيت الجواب وتشهد العربان
اختم هالبيات بحق ابوالزهرة
بصلاتي عالتهامي صاحب الحضرة
دخيلك ياالهي ارتجي نظرة
لان كلبي تكدر والعكل حيران
| |
|
