دولة الاشباح Admin
عدد المساهمات : 356 تاريخ التسجيل : 14/11/2016 الموقع : العراق
| موضوع: افزاع يهل الخيل نجده لليواعي ياسيوف الباشطه ولد الرفاعي الأحد نوفمبر 21, 2021 9:07 am | |
|
افزاع يهل الخيل نجده لليواعي ياسيوف الباشطه ولد الرفاعي
&&& ياسيوف الباشطه بوجه الاعادي ياليوث الكاسره بيوم الطرادي بيكم اهل الله تتنخه الحوادي مو گصار ايدين انتوا اطوال باعي &&&
مو گصار ايدين سركم ياگحاطم مثل روج البحر هايج ويتلاطم الشيخ يوم الضيج عالمحسوب خاطم شال حملو ودرج اضعونو بساعي
&&&
شال حملو مايخليه مهضوم هذا شان اهل الدرك بضيج دوم الضربهم مو خفي جهر معلوم مايطيب اصواب چفكم ياسباعي &&&
مايطيب اصواب چفكم يا شفايه مايفيدو اعلاج طب قط للنهايه امدادكم ينعيم للغز الروايه خبري شارتكم گبل برگ الفزاعي
&&&
خبري بيكم گبل مايثني الصواب وبد مايخطي الهدف دان الطواب چان فوري الحال تلبيت الجواب لا بريد ايريد لا يحتاج ساعي &&&
لا بريد ايريد بس گولت يهلنه الفزعه من كل صوب للها تصير حنه تنتخي وتگول عد عينك يبنه يخمدون النار يرصدون الافاعي &&&
يخمدون النار لوچانت حريجه وما يخلون الحسب واگع بضيجه هلي بيت انعيم شارتهم عتيجه چم عنيد بسرهم مذعون طاعي
&&&
چم عنيد الطاع من شاف الضرايب زود أهالي الزود راوه العجايب التعده الحد رد مذلول خايب ضعف المربع خذوا منه الصاعي
&&&
ضعف المربع خذوا منه الحيف محزمين اسلاحهم رمحن وسيف امدح الصلاح #ياعبد_اللطيف اوجوههم مثل البدر بالنور شاعي
&&&
صلّ ياربي على من يشفعنه بالقيمة وكل ضيجه ذخر لنه الحبيب الهاشمي طه المكنه عدد ما هب الهوى ورفرف شراعي
| |
|