دولة الاشباح Admin
عدد المساهمات : 356 تاريخ التسجيل : 14/11/2016 الموقع : العراق
| موضوع: لنصب الرايه وصيح بصوت عالي انچان بيكم زود طلو يا غوالي الإثنين ديسمبر 06, 2021 1:06 pm | |
|
لنصب الرايه وصيح بصوت عالي انچان بيكم زود طلو يا غوالي
انجان بيكم زود يجدادي وحشيمه انتخو للي يواعي و بي هضيمه خبري ابو سيد علي لصاح خيمه من سموم الگيض وهبوب الشمالي
بتت لايب وابد ما نامتلي عين وارتجي فزعات اهنه الصالحين خبري اهل تونس قديم مجربين تشهد الأيام للهم و الليالي
تشهد الأيام للهم برض حايل بديرة ابن سعود بان الهم دلايل شجايبك تگرب لهل سلوا يعايل ثقلهم شارات التهز الجبالي
ثقلهم شارات التلم الجروح ولو لفت فزعاتهم برگٍ يلوح ابو بسنه بالعجم هز الصروح وجرد اذراعه على الدشمان صالي
جرد اذراعه وگف حامه الثنيه مثل ذيب اسحول حدر من خليه يگول ابو بسنه يخايف لوذ بيه و الحمل شلناه ابد لدير بالي
الحمل شالوه عني و زاد كيفي و الهواشم من لفوني اخذو بحيفي جاك ابو صالح وتسمعله وحيفي خطم للمحسوب سلطان الرجالي
خطم شيخ جنيد والكرخي معاه واخو ريه ينتخي للي نخاه صالح أنعيمي السكن صوب الفراه دوم حاضر للمبارز والقتالي
دوم حاضر للمبارز والهجوم ولو دخل خطة الحرب نست اگحوم هذا ابو علص بكل ديره امعلوم بالسعوديه وحلب واهل الجبالي
خبري بي بالموزمه عز اليواعي مخمد النيران و سموم الأفاعي المراچب طافن بمي الرفاعي كالبحر طمطام بيه الروج عالي ____________________
| |
|