عتابات ابوذيات نايل للرفاعيه والقادريه 1

عتابات

ريت الجبد عالخلان بالعين
طعين وأولف الدلال بالعن
كل منظر محاري الدار بالعين
أزوم أجروحنة وتوشل دم

ابد مومال ضحجة مال عنة
وكتنة وثوب حزنو مال عنة
لفة حادي المسرة ومال عنة
هزبنة بصوت يوجوة الشكة

يحجنة من الموگد هلينة
حزن من يوم فارگنة هلينة
جثير أدموع عالوجنة هلينة
1. مجاري وبللن زيج الثياب

غدا مني صميل العقل راياي
صويب و بالحنايا انعاب راياي
اشوشح وابني للخلان راياي
عجب مايلتفت منهم حدا

تهمل العين من شالو بالعياد
وعلوا جانهم مرضى بالعياد
جديد الثوب معد ألبس بالعياد
وحزن گلبي يتجدد كل سنة

ذبل جسمي على الخلان من هام
وعليهم ما الوم الگلب من هام
الداي الصاب هالدلال من هام
جفوني واعلگو لب الحشا

يليلي أگضي بالحسرات ونهات
وعلا المنهم دليلي أنعاب ونهات
يلايم لاتلوم الگلب ونهات
أذا عندك أعلوم من الغياب

حزين الدار والدله عليهم
كرام وينشد الخاطر عليهم
دزيد هموم ياگلبي عليهم
وجدد حزن كل داير سنة

ضعنهم شال عالخابور وبعد
وبگلبي دگو المسمار وبعد
طلبت الضعن ون الضعن مبعد
وعضيت الشواهد بالنياب

ضعنهم يشعب الدلال لو زم
وعگبهم منو يداوي الجرح لو زم
عين الحي أشوف الحي لازم
بس عين الميت غاشيهه التراب

يگاع النامو بطبگج. غوالي
ودمع العين من شالو غوالي
عگبهم مالي بالدنية غوالي
ذخر وسناد ليام الصعاب

يگاع أحبابي تخو لو بعدهم
حزينة وعيت اليمنة بعدهم
ينابي عگب مجلسهم بعد هم
أتبسم والولف عنك أغياب

طلبت أضعون خلاني مجافي
غدو أسرع من الراجب مجافي
بعالي الصوت لصيحلكم يامي جوفي
دريضو تانودعكم جواب

يعين بهل رفيف ألمن تربين
حده مالج مع الغياب تربين
يجعدان البذر الزمل تربن
تدنن تاشيلنة زهاب

على وادي الرمل زمزم ضعنهم
حموله واليلالي ضعضعنهم
لفت كل الطروش الى ضعنهم
الحادي تاه والمشعل طفه

علامج توحشين بحزن يدار
هلج جانو حمات الهزل يدار
أشوف الفلك بالمگلوب يندار
البوم يصيد والحر يهفى

أبات اليل أعد النجم رابي
مثل طفل يتيم بكدر رابي
يهمي ماشكيت لقير ربي
عليم ومالك أبواب الرجة

چميت القيث بالدلال مالاج
وألي طرفن بجنح اليل مالاج
أباري مركب الخلان مالاج
نحاه الروج عني والهوه

أجروحي قماگ واشلهن من الدم
وعللي حرابهم تگطر من الدم
سيادي شرف للدنيا من أدم
شبوله واليعاديهم هفى

هلي مالبسو خادم سملهم
وبگلوب العده بايت سملهم
أنجان أهلك نجم هلي سمه ألهم
وجثير من النجم على وقاب

دار الجفوها هلي ماسير والفيها
راحو غوالي كبل اعزاز والفيها
يزيد شوكي لهواها العذب ولفيها
واليوم سار الضعن ماريض الحادي
ومانفع ركضي ورا المجفين والحودي
مادام أهلها سكنو بكبور ولحودي
ماعاد امرها وحرام إن جان الفيها

لو. هاجر. اليل لو نام. الخمل وني
تكثر هواجيس گلبي ولوعتي وني
مرات. أفكر بزماني ياخلق وني
ماخوذ أخيذت ظحه ومرات أگول وعاد
مرات أصبر الگلب أصبر يگلبي وعد
ألله وأكبر أذا جار الزمان وعاد
يهد العوالي گبل مابل وطى يوني

بكلبي. عليهم. جمر نيران وجلهم
اسئل عليهم طروش الراح وجه الهم
راحو اهلنا. بعجل شو صار. اجلهم
ما يرجعولي هلي يهموم الكلب حيلي
علهل مصاب الجره حيل انهدم حيلي
يومن ظعنهم مشى ناديت كل حيلي
ساعه. خلهم. يملك. الموت اجلهم

ياالله يلي تغسل الأرض بالسيل
أغسل قلوب أهل الحسد من حسدها
وترد كيد أهل الگلوب المغاليل
بنحورها وعن الوجود تحصدها
وأجعل لنا من باب يسرك تساهيل
مدات جودك نستمد أبمددها
بارك لنا بالمد والصاع والكيل
وأنفوسنا عطها القناعة وزدها

ألفن اجلب اهموم ليلي ونهاري
من فرگة الخلان ليلي طويلي
والبيه بعدهم طال والله انتظاري
منهم خبر مابان لحد يسيلي
والتيه تهل ادموع عيني جواري
حزني عليهم صار ماله مثيلي
والثيه ثلث حالات ليه تباري
هم وسهر وادموع عيني تسيلي
والجيم جمر احشاي دونه اصطباري
من فرحة الشمات چامي بدليلي
والحيه حنين الروح ماهو لظئاري
حنة الولود اتشوف دمه يسيلي
والخيه خليل الروح لو مرلو طاري
طار الگلب ملهوف گبلن يجيل
والدال دمع العين مگدر اداري
لو ردت اصده اليوم مالي سبيلي
والذال ذرفه زاد مني انحداري
بيه الصبر ياصاح عني يشيلي