عگب عينك يايابه شصار بينا صفينا أيتام من بعدك صفينا

عگب عينك يايابه شصار بينا
صفينا أيتام من بعدك صفينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،
هميله العين من بعدك هميله
چثير أحزان وهمومي ثجيله
ياجسمي انباد واعضايا نحيله
ياطيب النوم بعدك ما هنينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد عيناك  مو هدني زماني  
بكدر  وهموم والحنظل سكاني
ثقب جمر القضا بگلبي وچواني
تلوب الروح ول ونه  تجينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كدر وهموم بالضامر چوني
أكضي الليل بالعبرات اعّني
فرح وسرور يا وسفه  يجني
عكب عيناك بالحسرة صفينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حزينه الدار من بعدك يايابه
عگب عيناك مو صارت خرابه
أصيح   الويـل يا مُر المـصـابه
وأجـر  الآه   عالـراح من ادينا
،،،،،،،،،،،،،،،،،،،،،،،،،،،،،،،،،،،،،،،،،،،،،،
تهل دموع من امي الحنونه
حزينه تگول ماظنتي  يجونا
يارب الكون نرجاك  المعونا
وصبر عالصار وش طالع بيدنا
،،،،،،،،،،،،،،،،،،،،،،،،،،،،،،،،،،،،،،،،،،،،،،،
جميع الناس بعيوني غرابا
ابد ماظلي بالدنيا گرابا
ابد منساك للمحشر يايابا
اهل دموع وبطول السنينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،
تراني بيوم شالو النعش عني
همل دمع البيابي وزاد عّني
عنّي اخلاف ابوچ الودق عنّي
وضلي بضيم ياروحي حزينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابو البــــهــاء من بعدك يگولي
حزينه الدار والحال مهمولي
بعد هيهات ماظنتي يجولي
ياابوي العود ياعالي الجبينا
،،،،،،،،،،،،،،،،،،،،،،،،،،،،،،،،،،،،،،،،،،،،
تراهي الدار غاشيها  السوادي
شبه مطعون من ضيمي وانادي
ياروح الروح  يامهجة فؤادي
سراج البيت من بعدك طفينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الودق ترجاك يارب العبادي
يكون الوالد بيوم المعادي
بأعالي الجنانِ بالفردوس غادي
مع المختار الهادي الامينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
سـألـت الله وبـأخـر كـلامـي
يختم أعمالنا  بحسن الختامي
يغفر ذنوب كل اهلي وعمامي
وجميع امواتكم يل السامعينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمت بعون الله تعالى / بتاريخ اليوم الإثنين
27/6/2021..
️كلمات المداح قاسم محمود العلي
️كلمات الشاعرة المبدعة الشيخة ودق السماء
نسأل الله القبول للجميع