دولة الاشباح
Admin
عدد المساهمات : 356
تاريخ التسجيل : 14/11/2016
الموقع : العراق
 |  موضوع: لا يا حوادي مروني امانة ان رحتم ليغاد گلبي هايم بابن هاشم واثر علية البعاد الجمعة أكتوبر 22, 2021 12:29 am | |
|
لا يا حوادي مروني امانة ان رحتم ليغاد
گلبي هايم بابن هاشم واثر علية البعاد
اليف اصبر واضل انطر.. بلچي علية يمرون
انا الهايم بابو القاسم.. ولهان وعقلي مفتون
دمعي يزودي على خدودي يويلي رمدةعيون
واجر عنَّة مع الونَّة ثاوي طريح الوساد
البي بيكم واني اربيكم شوفتكم تجلي همومي
واگول الله كريم الله لابد يجون اليومِ
محلى الملگى عگب الفرگة لن صوت يگلي گومِ
ذولة الحوادي للهادي يلا امشي وياهم ليغاد
التي تالي عذب حالي دمعي وي كثر النوحِ
واني شبيدي يلو بيدي لمشي لطه واروحِ
فدوة عيالي وي المالي وياهن گلبي وروحِ
خير الورى يالانورا يالنورك عم العباد
الثي ثاوي جسمي وداوي جي دكتور يعايني
يگلي شمالك شنهو ابالك يسألني ويحاورني
گتلو صوابي من احبابي شوگ الهادي معذبني
اكتب وصفة وخلني اشفى عفت الشرب وي الزاد
جيم جروحي زادن نوحي عذبني طول الفراگ
يلا اخذوني وبس ودوني للهادي گلبي مشتاگ
دمع عيوني من جفوني ضل يجري بلل الزياگ
من كثر الهم ياولد العم شيلوني لو عزمي باد
الحي حادي الركب ينادي حث الهجن للمختار
راح وخله بي العلة هيج جرحي لمن سار
اصفگ بيدي دمعي يزيدي عالخد يجري ليل انهار
يوماََ عفتوني وما اخذتوني وياكم نحو الاسياد
الخي خذني وياك أو ودني يالحادي للمدينة
لخاطر ربك بلچي بدربك لعند الهادي تودينا
قبة الخضرة نحضى بنظرة والنور يشع علينا
من الضريح ونستريح يم أحمد خير العباد
دال ودمَّل جرحي وعمَّل ما فاد الطب والعلاج
احسن وصفة وبيها اشفى ودوني لراعي التاج
رسول الله حبيب الله من عدكم نظره محتاج
تجلي كروبي وتمحي ذنوبي شافع كن لي بالميعاد
ذال وذابت روحي وشابت من كثر الهم والافكار
لوما راحو بس لا راحو زوار الهادي المختار
لا ما ظني وابعد عني حادي الركب ركب وسار
حدر ضلوعي النار تلوعي سوت گلبي مثل الرماد
الري ربي تغفر ذنبي بجاه الهادي وي الآل
وي سيادي عز الحادي ابو خمره زين افعال
بجاه الصاحب عن الكاتب ولد عبدالله البلال
تمحي ذنوبه وتجلي كروبه وي اصحابه والاولاد
| |
|
